Palugit ang hangganang hindi
natin nais salubungin at tawagin
sa kanyang pangalan. Patay-guhit -
sabi mo isang araw.
Natawa na lamang siya
nang tawagin mo siya noon. Parang pilit
mo raw siyang binigyan at bininyagan
ng bagong ngalan at saysay.
May kamatayan sa muling pagngalan,
sabi niya. Marahil,
naisip ko lamang,
paano pa nga ba
kikitlin ang patay-guhit?
No comments:
Post a Comment